11 banwa sa Iloilo province, ginpaidalum sa Public Storm Warning Signal No. 1 bangud sang Bagyo Auring
Iloilo — Onse (11) ka mga banwa sa probinsya sang Iloilo ang ginpaidalum sa Public Storm Warning Signal Number bangud sang Bagyo Auring.
Base ini sa Weather Bulletin sang PAGASA las 4 kaina sang kaagahon, Pebrero 21.
Ini ang ginalakipan sang Barotac Viejo, Lemery, San Rafael, Sara, Ajuy, Concepcion, San Dionisio, Batad, Estancia, Balasan kag Carles.
Samtang, naka-red alert status na ang mga local government units sa Western Visayas bilang preparasyon sa paglabay sang Bagyo Auring.
Suno kay Ms. Ma. Aletha Nogra, chief sang Disaster Risk Reduction and Management Division region 6, 24/7 nga gina-monitor sang ila emergency operation center ang hulag sang bagyo agud makahimo sang “timely” evacuation measure ang LGUs sa mga na-identify nga mga landslides kag flash flood prone areas sang Mines and Geosciences Bureau 6.
