Validation team sang DILG, madamo pa sang nakita nga obstructions sa una nga adlaw sang validation sa Road Clearing operation sa Iloilo City kahapon, Pebrero 23

ILOILO CITY — Madamo gihapon sang obstruction sa mga mayor nga dalanon sa siydud sa pag-usisa sang validation team sang DILG sa road clearing operation sa siyudad.

Base ini sa obserbasyon ni Anti-Squatting and Illegal Structure Unit (ASISU) Head Lovejoy Hosenilla sa pag-upod nila sa taga-DILG sa una nga adlaw sang validation sa road clearing operations sa siyudad kahapon, Pebrero 23.

Kalabanan sa mga obstructions amo ang naga-park nga mga salakyan kag ang mga furnitures nga gina-display ilabe na sa De Leon Street sa City Proper.

Magluwas diri may mga hose man kag balde sila nga nakit-an sa higad sang karsada ilabe na sa mga gutter nga makabig gihapon nga obstruction.

Gin-ako ni Hosenilla nga indi malikawan nga magbalik ang mga obstructions pagkatapos sang validation.

Magluwas sa City Proper, nag-diretso man ang validation team sa Molo kag sa iban pa nga mga distrito sang siyudad.

‘TATLO KA ADLAW’

Ginhatagan sang tatlo ka adlaw sang taga-DILG ang clearing team sang siyudad agud nga matinluan ang mga nakit-an pa nga mga obstruction sa ila pag-validate kahapon.

Suno kay Hosenilla, sila na ang ginhatagan sang poder sang taga-DILG agud nga masiguro nga mahawanan ang mga nabilin pa nga mga obstructions.

Nagpasalamat man si Hosenilla sa taga-DILG bangud madamo sila sang natun-an kahapon ilabe na sa mga bagay nga wala sila nakahibalo, nga makabig pa nga obstruction. — via Aksyon Khenjo Terco