72 new cases sang COVID-19, nadugang sa Western Visayas

By: Aine Grace Bravo | February 25, 2021

ILOILO CITY – Nadugangan sang 72 ka bag-o nga kaso sang COVID-19 ang Western Visayas base sa data nga ginpagguwa sang Department of Health subong nga adlaw, Pebrero 25.

Ang new cases, halin sa Iloilo Province nga may 26, Negros Occidental– 21, Iloilo City–15, Aklan –8, kag Capiz –1.

Wala naman sang may na-record nga bag-o nga kaso sang COVID-19 ang Antique, Guimaras kag Bacolod City.

Naglab-ut na sa 24, 705 ang na-infect sang virus sa rehiyon, kun sa diin 1,099 ang active cases.

33 ang nagdugang nga naka-recover rason nga nagsaka na sa 22, 861 ang nag-ayo sa COVID-19 sa rehiyon.Nagapabilin naman sa 739 ang napatay. –via DOH 6