Family gatherings, ginatudlo nga rason sang DOH 6 sa pagsaka sang kaso sang COVID-19 sa Western Visayas

ILOILO CITY — Ginatudlo sang Department of Health ukon DOH6 ang family gatherings sa pagsaka sang kaso sang COVID-19 sa Western Visayas.

Suno kay DOH 6 designated spokesperson Dr. Mary Jane Juanico, magluwas sa family gatherings, nagasaka man gihapon ang COVID-19 sa rehiyon bangud sa pagsimpon sang nagkalain-lain nga tawo sa merkado publiko.

Ginatumod diri ni Dr. Juanico ang mga bolantero nga halin sa iban nga banwa.