‘No COVID-19 vaccine, No transaction’ policy, plano nga ipatuman sa Igbaras

Iloilo — Ginkumpirmar ni Igbaras Mayor Jaime Esmeralda nga ginatun-an nila ang “No COVID-19 vaccine, no transaction” policy.

Suno kay Esmeralda, lantawon pa nila sang maayo kun ipatuman ukon indi ang ini nga policy bangud base may mga malapas sila nga kinamatarong sang kada individuals.

Ginpabutyag sang alkalde nga madamo pa sa gihapon ang indi magpabakuna bisan pa nga may gin-conduct na sila nga forum nga nagapa-intindi sa ka importante sa pagpabakuna.

Sa masobra 200 ka individuals nga ginkadtu-an sa duha ka barangays sa ila nga banwa, yara lang sa duha (2) tubtob apat (4) ang nagpabutyag nga luyag magpabakuna sang COVID-19 vaccines suno kay Esmeralda.

Dugang pa sang alkalde nga kanugon lang sang baklon nga bakuna, kun indi ma lang magamit.

Maga-assign sang tawo si Esmeralda nga magakadto sa kabalayan para sa dugang nga paathag kun ngaman kinahanglanon nga magpabakuna sila kontra sa COVID-19.