17,400 Sinovac COVID-19 vaccines para sa Western Visayas, maabot buwas, Marso 5

By: Aine Grace Bravo | March 4, 2021

ILOILO CITY – Ginkumpirmar sang Department of Health 6 nga maabot buwas, Marso 5, ang COVID-19 vaccines nga parte sang Western Visayas sa 600,000 doses sang Sinovac vaccines nga gindonar sang China.

Suno kay Dr. Mary Jane Juanico, head sang DOH 6 Infectious Disease Cluster Unit, las-otso sa aga buwas mahalin sa Manila ang flights nga magadala sang mga bakuna.

17,400 doses ang gin-alokar sang DOH central office para sa 8,438 medical frontliners sa rehiyon.

Sa amo nga figure, masobra 6,000 doses ang gintigana para sa duha ka ospital sa Bacolod City.

Ang nabilin, para naman sa apat ka ospital sa Iloilo City –Western Visayas Medical Center, WVSU Medical Center, Iloilo Doctor’s Hospital kag Iloilo St. Paul’s Hospital. –via Aljohn Torreta