3 probinsya, 1 city sa Western Visayas, wala sang na-record nga new cases

By: Aine Grace Bravo | March 4, 2021

ILOILO CITY – Wala sang may na-record nga bag-o nga kaso sang COVID-19 ang probinsya sang Antique, Aklan kag Capiz.

Wala man sang may nagdugang nga bag-o nga kaso sa Bacolod City.

Base sa data nga ginpagguwa sang Department of Health 6, 51 new cases ang nagdugang sa ila listahan.

Ang new cases, na-record sa probinsya sang Iloilo nga may 24, ginsundan sang Iloilo City –17, Negros Occidental–8, kag Guimaras — 2.

Bangud sini, naglab-ut na sa 25,190 ang na-infect sang virus sa Rehiyon 6 kun sa diin 1,297 ang active cases.

29 ang nagdugang nga naka-recover rason nagsaka na sa 23,146 nag-ayo.

Nagapabilin naman sa 741 ang napatay bangud sa COVID-19 sa Western Visayas. –via DOH 6