Masobra 50% sang mga medical frontliners sa mga COVID-19 referral hospitals sa Western Visayas, nagapang-alang alang nga magpabakuna

Iloilo City — Masobra 50% sang mga empleyado sa mga COVID-19 referral hospitals sa Western Visayas ang nagapang-alang-alang nga magpabakuna batok sa COVID-19.

Ini suno kay Dr. Mary Jane Juanico, Infectious Disease Cluster Unit Head sang DOH6.Isa sa gintumod nga rason ni Dr. Juanico kun ngaa nagapang-alang-alang ang mga health workers, amo ang ka-epektibo sang bakuna.

Pero nagalaum si Dr. Juanico nga magataas pa ang numero sang mga health workers nga luyag nga magpabakuna bangud sa maayo nga feedback sang mga health workers nga nagpabakuna na sa National Capitol Region ukon NCR.