Mag-iloy, patay sang napilpilan sang mixer truck sa Maasin, Iloilo

By: Aine Grace Bravo | March 8, 2021

MAASIN, Iloilo – Patay ang mag-iloy sang nahulog sa pil-as ang ginasakyan nila nga mixer truck sa Barangay Bolo, Maasin, Iloilo kahapon, Marso 8.

Suno kay PMAJ Fernando Limbungan, hepe sang Maasin Police Station, nagabuhos sang semento sa gina-obra nga dalan ang mixer truck.

Nakasakay sa amo nga mixer truck ang mag-iloy sang driver sang truck nga ginkilala kay si Joel Marquerido.

Base sa imbestigasyon sang Maasin police, na-miscalculate ni Marquerido ang ginadala niya nga mixer truck samtang nagabuhos sang semento rason nga nahulog sa pil-as.

Bangud sa kakulba, naglumpat ang asawa kag ang walo ka tuig nga bata ni Marquerido pero napilpilan sila sang mixer.

Yara naman sa maayo nga sitwasyon si Marquerido. – via Angel Mae Ciudad