Concepcion, Iloilo LGU, temporaryo nga wala nagbaton sang LSIs, ROFs

By: Aine Grace Bravo | March 8, 2021

CONCEPCION, Iloilo – Gin-anunsyar ni Concepcion, Iloilo Mayor Raul Banias nga temporaryo nga indi magbaton ang LGU sang Locally Stranded Individuals kag returning overseas Filipinos sugod kahapon, Marso 7.

Ang mga mapauli nga LSIs kag ROFs, i-quarantine anay sa Capitol Isolation Facility sa Iloilo Sports Complex. Gin-aprubahan na ini suno sa alkalde ni Iloilo Governor Arthur Defensor, Jr.

Base sa record sang Municipal Health Office, may 13 ka active cases ang banwa –10 ang local transmission, duha ang authorized person outside of residence (APORs) kag isa ang LSI nga naka-isolate sa isolation facility sang banwa.

Suno sa alkalde, na-identify na sa ginhimo nga contact tracing ang mga nagka-contact sa duha ka bag-o nga kaso nga nalakip sa local transmission kag ginpaidalom sa RT-PCR test. –via Mayor Raul Banias