Pulis sa 4th District of Iloilo, nagpositibo sa COVID-19
Iloilo — Nagpositibo sa drug test ang lalaki nga pulis nga na-assign sa 4th District of Iloilo.
Suno kay Lt. Col. Joem Malong, Spokesperson sang Police Regional Office 6, Pebrero 18 sang gin-subject sa drug test ang natungdan nga pulis nga may rangko Police Staff Sergeant upod ang iban pa gid nga mga pulis bilang kabahin sang random drug testing.
Marso 2 sang nabaton sang pulis ang resulta nga positibo siya sa drug test.Halin sa Police Station sa 4th District, gilayon siya nga gin-relieve pakadto sa Personnel Holding And Accounting Unit.
Ginhatagan naman siya sang 15 diyas para i-challenge ang resulta sang drug test.
Wala sang impormasyon si Malong kun ano ang monitoring ukon holding sang PRO6 sa nagpositibo antes gin-subject sa drug test.
Ginakuhaan sang Aksyon Radyo Iloilo sang pahayag si Iloilo Police Provincial Office Director Col. Gilbert Gorero apang wala pa siya nakahatag.
Ini ang ikatatlo nga kahigayunan nga may pulis sa PRO6 nga nagpositibo sa drug test sa pagpungko ni Brigadier General Rolando Miranda bilang director sang PRO6.
Kabahin sang mga ginpatuman nga programa ni Miranda ang random drug testing sa tanan nga pulis sa rehiyon.
