50 new cases sang COVID-19, na-record sa Western Visayas

By: Aine Grace Bravo | March 9, 2021

ILOILO CITY – Naka-record sang 50 ka bag-o nga kaso sang COVID-19 sa Western Visayas kahapon, Marso 9.

Sa bag-o nga kaso, 39 ang local cases ukon wala sang travel history sa guwa sang rehiyon 6, 9 ang Locally Stranded Individuals kag duha ang authorized person outside of residence (APOR).

Liwat nga nagpanguna ang probinsiya sang Iloilo nga may pinakamadamo nga new cases nga naglab-ut sa 22; Aklan – 14; Negros Occidental – pito; Iloilo City – anum; kag Guimaras nga may isa ka kaso.

Wala sang bag-o nga kaso sa Antique, Capiz kag Bacolod City.

Bangud sini, yara na sa 25,403 ang total cases sa rehiyon 6 kag 1,307 pa ang active cases. – via DOH 6

Nadugangan man sang 18 ka bag-o nga recoveries kag isa ka bag-o nga napatay ang Western Visayas rason nga naglab-ut na sa 23,341 ang total recoveries samtang 749 ang kabug-usan nga nagkalamatay bangud sa COVID-19..//