PAMPA-GOOD VIBES | Kasal sa Leyte, pinasahe bangud naghatag sang giveaways nga bayong nga may unod nga mga utan

By: Aine Grace Bravo | March 9, 2021

LEYTE – Pinasahe ang kasal nanday Jonas Buhay and Abigael Sablas sang Tanauan, Leyte kahapon, Marso 8.

Ini bangud nga ginhatag nila nga giveaways ang bayong nga may unod nga mga utan.

Sa kada bayong, may tag nga nakasulat nga “Support our farmers. Buy Local, Eat Local.”

Suno sa wedding coordinator nga si Pete Figueroa sang Events by Pete, organic ang mga utan nga ginhatag sa mga guests. Pamaagi man ini sang bag-o kasal nga suportahan ang mga mangunguma.

Sanday Jonas kag Abigael ang pareho nga naga-obra sa Department of Agriculture kag madugay na nga nagabulig sa mga mangunguma, suno pa kay Figueroa.

Ginpasalamatan naman ni Figueroa ang mga nagbulig agud mangin madinalag-on ang kasal –si Andrey Cagara sa mga utan; ang La Marciano Store sa diin naghalin ang handmade bayong; si Reenalyn Marticio nga nag-paint sa mga bayong kag si Pharos Trocino Cabuguang-Forton nga nag-obra sang tags. –with reports from Janine Royo, DYVL Aksyon Radyo Tacloban