New Lucena Mayor Liecel Seville, ginakasubo ang natabo sa Ilongga OFW nga nag-suicide sa Saudi Arabia; Burial assistance, ihatag sa pamilya
New Lucena, Iloilo – Ginakasubo ni New Lucena Mayot Liecel Seville ang natabo sa Ilongga OFW nga nag-suicide sa Riyadh, Saudi Arabia sang Marso 6.
Suno sa alkalde, nasubuan siya natabo sa iya kasimanwa kag iya man nahibaluan kun ano ang kabudlay nga ginapangatubang sang isa ka OFW.
Dugang pa niya nga kinahanglan updan sang pangamuyo agud mangin mapag-on kapin pa subong nga may pandemya.
Indi naman magnubo sa P10,000 ang burial assistance nga ihatag sang New Lucena LGU sa pamilya sang Ilongga OFW suno kay Seville.
Ginabuligan naman sang lokal nga panguluhan sang banwa ang pamilya agud makakuha pa gid sang dugang nga financial assistance sa sa Iloilo Provincial government kag Department of Social Welfare and Development 6.
