Second batch sang Sinovac COVID-19 vaccines kag first batch sang AstraZeneca vaccines para sa Western Visayas, nag-abot na

By: Aine Grace Bravo | March 10, 2021

ILOILO CITY – Nag-abot subong nga aga, Marso 19, ang second batch sang Sinovac vaccine para sa Western Visayas.

Nakatago na sa Cold Room Warehouse sang DOH 6 sa Mandurriao ang 16,880 doses sang Sinovac vaccine.

Suno kay Dr. Ma. Sophia Pulmones, head sang Local Health Support Division sang DOH 6 kag manager sang Regional Vaccine Operation Center (RVOC), gamiton ang second batch sa second dose sang mga nauna na nga nagpabakuna.

Lakip na sa 16,880 doses ang allocation para sa Bacolod City, pero dapat ubuson nila ang una nga 6,000 doses nga allocation agud mapadala sang DOH 6 ang para sa second dose.

May ginpadala man ang DOH central office nga 10,000 doses sang AstraZeneca vaccines, pero istoryahan pa sang RVOC kun sa diin i-allocate.

Pero priority, suno kay Dr. Pulmones, ang mga level 3 hospitals ukon mga COVID-19 referral hospitals, kag unahon ang mga medical health workers nga naga-edad 60-anyos pasaka. Ini bangud nga may limit nga tubtob lang 59-anyos ang Sinovac vaccine.

Tubtob  kahapon, 1,634 na ka medical health workers sa apat ka ospital sa Iloilo City kag lima ka ospital sa Bacolod City ang nabakunahan sang Sinovac vaccine. – via DOH 6