Iloilo province, may pinakamdamo nga new cases sang COVID-19 sa Western Visayas subong nga Marso 11

By: Aine Grace Bravo | March 11, 2021

ILOILO CITY – Nagpanguna ang probinsya sang Iloilo nga may pinakamadamo nga bag-o nga kaso sang COVID-19 sa Western Visayas subong nga adlaw, Marso 11.

Base sa data sang Department of Health 6, 43 ka bag-o nga kaso sang COVID-19 ang nagdugang sa Rehiyon 6.

Ang new cases na-record sa Iloilo Province nga may 19; Iloilo City–11; Negros Occidental –8; Bacolod City –2 kag Aklan, Capiz, kag Guimaras nga may tag-isa.

Wala naman sang may na-record nga bag-o nga kaso sang COVID-19 ang Antique.

23,658 ang naka-recover sa rehiyon bangud sa 74 nga nagdugang.

Apat naman ang new deaths, rason nga naglab-ut na sa 758 ang napatay sa rehiyon bangud sa COVID-19. | via DOH 6