PNP Chief PGEN Debold Sinas, nagpositibo sa COVID-19

By: Aine Grace Bravo | March 12, 2021

CAMP CRAME – Gin-anunsyar ni PNP Chief PGEN Debold Sinas nga nagpositibo siya sa COVID-19.

Sa statement nga ginpadala ni Sinas sa media, ginkumpirmar niya nga positibo ang resulta sang iya RT-PCR test kahapon sang aga, Marso 11.

Gin-athag ni Sinas nga asymptomatic siya.

“I am very sorry for the relapse in the observance of mandatory health protocols and I might expose you on (sic) COVID-19,” suno sa PNP chief.

Nagpa-quarantine na si Sinas kag ginmanduan ang may mga contact sa iya sa nakaligad nga 24 oras nga obserbahan ang ila kondisyon kag magpa-swab man agud makasiguro.

Gindesignar ni Sinas si PNP deputy chief for administration, PLTGEN Guillermo Eleazar nga mangin OIC samtang yara naka-quarantine siya. –via PNP Chief Debold Sinas