Mga residente nga luyag magbalik sa Iloilo province, indi na kinahanglan mag-secure sang negative RT-PCR test result apang kinahanglan i-quarantine sang 5 ka adlaw — Gov. Arthur Defensor Jr.

Iloilo – Indi na kinahanglan nga mag-secure sang negative RT-PCR test result ang mga residente nga luyag nga magbalik sa probinsya sang Iloilo.

Suno kay Iloilo Governor Arthur Defensor, Jr., kinahanglan ipa-idalom sang 5-day home ukon facility quarantine ang returning residents kun wala sang may mapresentar nga negative RT-PCT test result.

Base sa iya ginpagguwa nga Executive Order. No. 183-L, i-subject sa RT-PCR test sa ika-lima nga adlaw ang indibidwal nga naka-quarantine.

Kun mag-negative, puwede na makaguwa sa quarantine facility ang returning resident.Dugang pa sang gobernador nga i-monitor sa gihapon sang Municipal Health Officers kag BHERTs sa sulod sang 10 ka adlaw ang mga nagnegatibo sa test.

Kun mag-develop sang COVID-19 symptoms ang returning resident, kinahanglan nga magpa-idalom sa quarantine tubtob nga maka-recover suno sa gobernador.