108 new cases sang COVID-19, na-record sa Western Visayas

By: Aine Grace Bravo |March 15, 2021

ILOILO CITY – 108 ka bag-o nga kaso sang COVID-19 ang nadugang sa Western Visayas kahapon, Marso 14.

Sa bag-o nga kaso, 79 gid ang local cases ukon wala sang travel history sa guwa sang Rehiyon 6, 28 ang Locally Stranded Individuals (LSIs) kag isa ka returning overseas Filipino.

Nagpanguna ang probinsiya sang Iloilo nga may pinakamadamo nga bag-o nga kaso nga naglab-ut sa 62. Nagasunod ang Negros Occidental nga may 20; tag-12 sa Iloilo City kag Aklan; kag duha sa Bacolod City.

Gin-report man sang DOH ang 36 ka bag-o nga recoveries kag wala may nadugang nga napatay.

Sa kabug-usan ang Western Visayas may 25,832 ka kaso lakip ang 1,249 ka active cases, 23,818 ka total recoveries kag 759 ka total deaths bangud sa COVID-19. – via DOH 6