Mga naka-recover sa COVID-19 sa Western Visayas, nadugangan

By: Aine Grace Bravo | March 16, 2021

ILOILO CITY – Malapit na 24,000 ang total recoveries sa COVID-19 sa Western Visayas sang nadugang ang 88 ka bag-o nga nag-ayo kahapon, Marso 15.

Base sa Case Bulletin No. 353 sang Department of Health 6, yara na sa 23,906 ang kabug-usan nga nag-ayo sa rehiyon.

Gin-report man sang DOH 6 ang 51 ka bag-o nga kaso kag duha ka bag-o nga nagkalamatay.

Sa bag-o nga kaso, 30 ang local cases ukon wala sang travel history sa guwa sang Rehiyon 6, samtang 21 ang Locally Stranded Individuals.

Nagpanguna ang Negros Occidental nga may pinakamadamo nga new cases nga naglab-ut sa 18. Nagasunod ang probinsiya sang Iloilo nga may 13; tag-anum ang Aklan kag Iloilo City; lima sa Bacolod City; kag tatlo sa Guimaras.

Ang Western Visayas may 25,883 na ka kaso lakip ang 1,210 ka active cases kag 761 ka total deaths bangud sa COVID-19. – via DOH 6