Mga isda nga ginabaligya sa higad sang karsada sa North Baluarte, Molo, nagkala-ula sang nagbaisay ang personnel sang PSTMOP kag ang mga vendors
Iloilo City — Sa impormasyon nga nakuha sang Aksyon Radyo Iloilo nag-agaway sang lamesa ang mga vendors sang isda kag ang personnel sang PSTMO kahapon, Marso 17 kabangdanan nga na-ula ang ila baligya.
Suno kay Dodoy dela Rosa, utod sang nagabaligya sang isda, gin-harass sila sang personnel sang PSTMO rason nga nagkala-ula ang mga isda nga nakabutang sa tapangko.
Sa panaysayon naman ni Michelle Benedicto sang PSTMO, ginhatagan na nila sang warning ang mga vendors nga naga-obstruct sa sidewalk.
Dugang pa niya, wala sila sang may gintandog nga gamit sang mga nagabaligya kag indi sila ang nag-ula sang isda.
‘NASALAPAY LANG’
Wala gin-ula sang PSTMO ang mga baligya nga isda.
Suno ini kay Executive Master Sergeant Ceasar Salcedo, imbestigador sang Molo Police Station.
Paathag ni Salcedo, nagbaisay ang personnel sang PSTMO kag ang vendor nga si Ronel dela Rosa.
Natulod ni dela Rosa ang tapangko rason nga nagkala-ula ang mga isda sa karsada.Nagpangayo man sang pasaylo so dela Rosa sa taga-PSTMO.
