Pinakamataas nga kaso sa Pilipinas sang nagsugod ang COVID-19 pandemic, na-record kahapon, Marso 19
Manila — Naka-record ang Department of Health (DOH) sang pinakamataas nga kaso sang COVID-19 sa Pilipinas kahapon, Marso 19.
7,103 ang nagdugang nga panibag-o nga kaso base sa ginpaguwa nga data sang DOH.
Bangud sini, naglab-ut na sa 648, 066 ang na-infect sang virus sa Pilipinas nga may 73,264 ka active cases.
Nagsaka naman sa 561,902 ang naka-recover bangud sa 390 new recoveries.
13 ang nagdugang sa numero sang mga napatay rason nga nagdangat na sa 12,900 ang death toll sang COVID-19 sa pungsod.| DOH