Resort sa Guimaras sa diin naghiwat sang team building activity ang pila ka call center agents sang HGS nga nagpositibo sa COVID-19, gin-lockdown
GUIMARAS (UPDATE) – Ginkumpirmar ni Guimaras Vice Governor John Edward Gando nga gin-lockdown ang resort sa San Lorenzo, Guimaras sa diin naghiwat sang team building activity ang pila ka call center agents sang Hinduja Global Solutions-Strata site sa Bolilao, Mandurriao nga nagpositibo sa COVID-19.
Suno kay Gando, “may information na nga ang ini nga resort dira sa may banwa sang San Lorenzo, [Guimaras], gin-lockdown na kag ang tanan nga mga employees, gin-subject na sa swab [test].
Sige subong ang contact tracing.”Ang municipal government sang San Lorenzo ang nagpa-lockdown sa resort kag naga-coordinate gid ang provincial government.
Ginpaidalom sa RT PCR test ang mga empleyado sang resort kag ginahulat nga magguwa ang resulta samtang nagapadayon ang contact tracing.
Gin-abisuhan man ang iban nga nagbisita sa resort nga mag-quarantine.
Wala pa gid sang konkreto nga aksyon ang Guimaras provincial government bangud ginahulat pa ang official report sang Provincial Disaster Risk Reduction and Management Council (PDRRMC) kag Provincial Health Office (PHO).
Ginalauman nga subong nga adlaw, masumiter ang report. –Via BBB
