DOH 6, naka-record sang 99 new cases sang COVID-19 sang Marso 22

By: Aine Grace Bravo | March 23, 2021

ILOILO CITY – Gin-report sang Department of Health 6 ang 99 ka bag-o nga kaso sang COVID-19 kahapon, Marso 22.

Sa bag-o nga kaso, 68 ang local cases ukon wala sang travel history sa guwa sang Rehiyon 6, samtang 31 ang Locally Stranded Individuals.

Nagpanguna ang Negros Occidental nga may pinakamadamo nga bag-o nga kaso nga naglab-ut sa 41. Nagasunod ang Iloilo province nga may 29; Iloilo City –18; Bacolod City – pito; Aklan – duha; Capiz kag Guimaras nga may tag-isa ka kaso.

Nadugangan man sang 33 ka bag-o nga recoveries kag apat ka bag-o nga nagkalamatay ang rehiyon.

Sa kabug-usan ang Western Visayas may 26,691 na ka kaso sang COVID-19 –1,588 ang active cases; 24,327 ang total recoveries kag 770 ang total deaths. – via DOH 6