Manugbaligya sang RTW, dakup sa drug buy bust operation sa Dueñas

Iloilo —

Iloilo — Dakup ang manugbaligya sang RTW sa drug buy bust operation sang Dueñas police kag mga operatiba sang Philippine Drug Enforcement Agency (PDEA) region 6 sa Brgy. Calaca-an, Dueñas kaina sang aga.

Nakuhaan sang anum (6) ka sachets sang suspected shabu kag 1,500 pesos nga buy bust money si Ellen Mae Lataña Francia, 36-anyos, tumandok sang Brgy. Simsiman, Calinog apang temporaryo nga nagatenir sa Brgy. Calaca-an.

Suno kay Police Lieutenant Pedro Macabadbad, deputy chief sang Dueñas Police Station, isa sa mga top priorities sang PDEA 6 ang subject.

Ginpanghinwala naman ni Lataña Francia nga nagabaligya siya sang illegal drugs. — via Aksyon Radyo Iloilo correspondent Joel Jocson