Anay miembro sang Lego-Libuna group nga involved sa carnapping kag robbery sa Ilo province, dakup sa drug buy bust operation

By: Aine Grace Bravo/Farrah Mae Morano | March 25, 2021

ILOILO – Arestado sa drug buy bust operation sa Brgy. Batuan, Pototan ang anay miembro sang Lego-Lebuna group nga involved sa mga kaso sang carnapping kag robbery sa probinsya sang Iloilo.

Suno kay Police Lieutenant Marrion Vicente Buenaflor, Deputy Chief sa Pototan Police Station, ginkilala ang subject kay Niel Losaria, 23-anyos sang Brgy. Tubungan, Lambunao.

Nabaklan ang subject sang isa ka sachet sang suspected shabu sa balor nga P6,000. Nakuha pa gid sa iya ang dugang nga 13 ka mga sachets sang suspected drugs kag .38 caliber revolver nga may apat ka bala.

Ginatinguhaan sang Aksyon Radyo Iloilo nga makuhaan sang pahayag ang subject. – via Dave Bucayan