66 new cases sang COVID-19, na-record sa Western Visayas sang Marso 28

By: Aine Grace Bravo | March 29, 2021

ILOILO CITY –66 ka bag-o nga kaso sang COVID-19 ang na-record sang Department of Health 6 kahapon, Marso 28.

Nagpanguna sa may pinakamadamo nga bag-o nga kaso ang Negros Occidental nga may 16. Nagasunod ang Aklan nga may 14; tag-11 sa Iloilo City kag Iloilo Province; 10 sa Bacolod City; kag apat sa Capiz.

Sa kabug-usan, 27,148 na ang kaso sang COVID-19 sa rehiyon 6 nga may 1,715 ka active cases.

24,648 naman ang mga nag-ayo bangud sang 27 ka new recoveries samtang nagapabilin sa 779 ang mga napatay. –via DOH 6