Ginataguan sang bugas sang NPA, natukiban sa San Joaquin — Phil. Army
Iloilo — Nadiskubrehan sang Philippine Army ang ginataguan sang bugas sang New People’s Army sa Barangay Cadluman, San Joaquin.Suno kay Lt. Col. Joel Benedict Batara, Commanding Officer sang 61st Infantry Battalion, gintago ang walo ka container gallon nga may unod nga bugas sa idalum sang duta.
Nahamtang man ini sa nabukid nga bahin kag napalibutan pa sang mga puno.Ginlubong ang container gallon sa ginabanta 1 meter nga kadalumon sang duta.Nakabaton sang impormasyon ang Philippine Army nga ginahimo nga palahuwayan sang mga rebelde ang lugar rason ginresponderan nila duha ka semana na ang nakaligad.
Naghalin ang bugas sa pag-extort sang mga rebelde sa mga mangunguma suno kay Batara.Ginhatag naman sa mga pumuluyo sa lugar ang bugas nga mapuslan pa.
Ginakabig nga NPA-influenced ang nasambit nga barangay rason nag-deploy ang Philippine Army sang Community Support Program. — via Aljohn Torreta (Photo from 61st IB)
