Mga posters kag leaflets nga nagasuporta sa NPA, nakit-an sa Igbaras kadungan sang 52nd anniversary sang grupo

Iloilo — Nakit-an ang mga posters kag leaflets nga nagasuporta sa New People’s Army sa Barangay Buga kag Signe, Igbaras.Ini ang kadungan sang 52nd anniversary sang NPA subong nga adlaw, Marso 29.

Suno kay Lt. Col. Joel Benedict Batara, Commanding Officer sang 61st Infantry Battalion sang Philippine Army,sang Marso 27 sang gab-i posible ginplastar ang mga posters kag ginhimo ang vandalism sa mga karsada kag poste.

Nag-coordinate na ang Philippine Army sa local police para kakason ang posters kag tinluan ang mga vandals.

Sa pagselebrar sang NPA sang ila anibersaryo subong nga adlaw, ang pag-post kag pag-vandal na lang ang ila mahimo suno ka Batara bangud man sang padayon nga kampanya sang gobyerno sa pagpapas sa mga terorista.

May nakit-an man nga mga posters nga nagasuporta sa NPA sa Guimbal kag Tubungan duha ka semana na ang nakaligad. — Photos from 61st IB