115 new COVID-19 cases, na-record sa Western Visayas sang Marso 29

By: Aine Grace Bravo | March 30, 2021

ILOILO CITY – Gin-report sang Department of Health 6 ang 115 ka bag-o nga kaso sang COVID-19 sa Western Visayas kahapon, Marso 29.

Sa bag-o nga kaso, 108 ang local cases ukon wala sang travel history sa guwa sang Rehiyon 6; apat ang Locally Stranded Individuals (LSIs); duha ang returning overseas Filipinos (ROFs); kag isa ka Authorized Person Outside Residence (APOR).

Nagpanguna ang probinsiya sang Iloilo nga may pinakamadamo nga new cases nga naglab-ut sa 35; ginasundan sang Bacolod City – 31; Antique – 16; Negros Occidental kag Aklan – tag-12; Iloilo City – walo; kag Guimaras – isa ka kaso.

Sa kabug-usan, ang Western Visayas may 27,263 na ka kaso sang COVID-19 –1,777 diri ang active cases.

Gin-report man sang DOH 6 ang 51 ka new recoveries kag tatlo (3) ka new deaths. Nagdala ini sang total recoveries sa 24,698 kag total deaths sa 782. – via DOH 6