ArchivesLokalPulisUncategorized

Security guard nga suspek sa pagpatay sa Food Panda rider sa City Proper, nadakpan sa Antique

Antique — “Natabinas ang nanay niya [Argie Solis] nga ara na siya sa San Jose [Antique].”Ini suno kay Police Lt. Paul Oberio, hepe sang Laua-an Police Station ang rason kun ngaa nagdali-dali sila kadto sa San Jose agud maabtan si Solis, ang guwardiya sang Malayan Bank sa De Leon St., Iloilo City Proper nga nagtiro kag nagpatay sa Food Panda Rider nga si Joemar Sanchez pasado las onse kahapon sang aga.

Pero wala na sa San Jose si Solis sang nag-abot ang mga pulis kag sa crossing sa Ilabas, Sibalom, Antique na siya naabtan.

Suno kay Oberio nagpakig-angut ang Iloilo City police sa ila kasunod sang krimen kabangdanan ginpadulungan nila gilayon ang pamilya ni Solis sa Barangay Maria, Laua-an.

Nagsugid una ang iloy ni Solis sa pulis nga nadakpan na siya sa Tagbak, Jaro pero wala naghalin sa balay ang team ni Oberio sang nahibaluan sa ila pag-contact sa Iloilo City police nga at large gihapon ang suspek.

Nagab-ihan ang grupo sa balay sang mga Solis tubtob natabinas sang ulihi ang iloy, “Gulpi lang siya (iloy) naghambal nga sa San Jose na si Nonong (hayo ni Solis).”

Gindala sa Laua-an Police Station ang suspek kag ibiyahe sang mga pulis pakadto sa Iloilo City subong nga gab-i.Ginhambal ni Oberio nga gin-aresto kag wala nag-surrender si Solis.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply