Motorbanca, nagkapan sa baybayon sang Concepcion, Iloilo; 7 sakay, na-rescue
Concepcion, ILOILO – Na-rescue ang pito ka mga sakay sang M/B Jennes Skippered nga nagkapan sa baybayon sakop sang Sitio Pontales, Barangay Nipa, Concepcion pasado las 10 kaina sang aga, Abril 2.
Mga miyembro sang Concepcion Municipal Disaster Risk Reduction and Management (MDRRM), Philippine Coastguard Sub-station Concepcion, Municipal Bantay Dagat ang na-rescue sa mga sakay.
Nagbulig man ang mga pahinante sang banca nga taga-San Dionisio sa pag-rescue.
Ginkilala ang mga pasahero kanday Deeno Villaluna, 41; Lenloy Villaluna 39; Jojo Villaluna 37; Wyatt Villaluna 13; Joeden Bornales 30; Marvin Mañalac, 29 nga lunsay mga residente sang Barangay MH Del Pilar, Jaro.
Ginapanag-iyahan ni Leo John Chavez,19, ang motorbanca.
Suno kay Concepcion MDRRMO Head Engr. Jhon Rey Asturias, sakay ang pito sa motorbanca nga pakadto kuntani sa Barangay Dungon agud magbisita sa ila himata sang nakasugata sang mabaskog nga balod rason nga nagkapan.
Na-rescue ang mag-pamilya kag gindala sa Barangay Lo-ong.Mapauli subong nga gab-i ang mag-pamilya sa Iloilo. — via Mario Gelongo
