Security guard nga nagpatay sa Foodpanda rider sa City Proper, pasakaan sang kaso bwas, Abril 5 — PCPT Shella Mae Sangrines

Iloilo City — Ginkumpirmar ni Police Captain Shella Mae Sangrines, hepe sang City Proper Police Station, nga iga-file bwas, Abril 5 ang kaso nga murder batok kay Argie Solis, ang security guard sang Malayan Bank nga nagpatay sa Foodpanda rider nga si Joemar Sanchez sa De Leon Street, City Proper sang Marso 31.

Kahapon kuntani suno kay Sangrines i-file ang kaso apang ginpanugyanan sila nga bwas na lang bangud man sang Semana Santa.

Na-autopsy naman ni Dr. Owen Lebaquin ang biktima kag base sa initial nga resulta, may lima ka mga pilas si Sanchez.

Ma-deliver kuntani sang pagkaon sa personnel sang bangko si Sanchez sang nakaba-is niya si Solis nga naakig bangud sang pagtungtong niya sang basa nga plastic sa logbook sang suspetsado. — via AM Reports