Inbound travel sa Western Visayas halin sa Metro Manila, Bulacan, Cavite, Rizal, Laguna, Cebu City kag Davao City, temporaryo nga gin-suspend halin Abril 4-10, 2021

MANILA – Matakop sa Abril 10, 2021 ang suspension sang inbound travel pa-Western Visayas halin sa National Capital Region, Bulacan, Cavite, Rizal, Laguna, Cebu City kag Davao City nga nagsugod kahapon, Abril 4.

Sakop sini ang mga returning residents, turista, Authorized Persons Outside Residence (APOR), returning overseas Filipinos (ROFs), kag Overseas Filipino Workers (OFWs).

Exempted naman ang transportasyon sang essential goods, pareho sang pagkaon kag medical supplies, military aid, kag relief efforts. Wala man nadala sa restrictions ang drivers kag helpers nga naga-upod sa rolling cargoes.

Nag-request sang moratorium ang Region 6 sa flights kag trips bangud sa pagtaas sang kaso sang COVID-19 sa nasambit nga lugar. — via DOTr