NPA kag mga suldado, nag-engkuwentro sa Janiuay

Iloilo – Nag-engkwentro ang mga suldado kag mga miembro sang New People’s Army sa Barangay Aglobong, Janiuay, la 1:55 subong nga hapon.

Suno kay Major Cenon Pancito III, Spokesperson sang 3rd Infantry Division sang Philippine Army, ginabanta lima ka mga miembro sang Baloy Platoon sang Komiteng Rehiyon Panay ang na-engkwentro sang mga suldado nga mga miembro naman sang Community Support Program nga gina-deploy sa lugar.

Nagapatrolya sa lugar ang mga suldado sang na-engkwentro nila ang mga rebelde.

Na-recover sa area ang M16 nga may M203 grenade launcher.Wala sang may napilasan sa tropa sang gobyerno.

Wala man sang napilasan ukon napatay sa mga rebelde base sa available data.

Ginabanta 12 kilometros ang kalayuon sang Barangay Aglobong sa Poblacion sang Janiuay.Sang Abril 3, duha ka mga suldado ang patay sang gin-ambush sang NPA sa Cauayan, Negros Occidental. — via Aljohn Torreta