Pagpalista sang mga senior citizens nga luyag magpabakuna para sa COVID-19, gin-extend — DOH 6

Iloilo City — Gin-extend ang pagpalista sang mga senior citizens nga luyag magpabakuna para sa COVID-19.

Ini ang ginkumpirmar ni Dr. Mary Jane Juanico, chief sang Infectious Disease Cluster sang Department of Health 6.

Una na ginpahayag sang DOH Central Office nga tubtob lang subong, Abril 5, ang pagpalista sang mga senior citizens sa ila natungdan nga Local Government Unit kun luyag nila magpabakuna para sa COVID-19.

Ang mga senior citizens ang lakip sa priority sector sa vaccination program sang gobyerno.

Sa mga bakuna nga gin-issuehan sang Emergency Use Authorization sang Food and Drug Administration, ang AstraZeneca vaccine ang gina-recommend nga gamiton sa mga senior citizens.

Ang AstraZeneca vaccine ang gin-develop sa United Kingdom. — via Aljohn Torreta