Former City Councilor Plaridel Nava, gintawag nga ‘patay huya’ ang mga konsehal nga nagbaton sang pick-up halin sa city government

Iloilo City — Gintawag ni anay Councilor Plaridel Nava ang mga City Councilors nga nagbaton sang pick-up halin sa Iloilo City Government nga mga “patay huya.”

Suno kay Nava, nag-take advantage ang mga konsehal sa pagbaton sang pick-up bisan naga-atubang ang pungsod sang COVID-19 pandemic.

Ginpahayag ni Nava nga sa ila tyempo nagtanyag man si anay Mayor Jed Patrick Mabilog nga baklan siya sang salakyan pero nagpamalibad ini bangud indi siya luyag mag-abusar sa iya pwesto.

Dugang ni Nava nga may salakyan man siya rason indi niya kinahanglan ang salakyan.

Samtang, ginpabutyag ni anay Councilor Joshua Alim nga bisan gamhanan ang VOLTES V sadto sa City Council, wala gid sila naka-agi request sang salakyan.Sa baylo,si Mabilog pa ang nagtanyag sa ila sang salakyan pero wala nila ini ginbaton. — AM Reports