Isa sa mga pulis nga nalawagan ni Pres. Duterte nga ginpahayag involved sa illegaql drugs sa Western Visayas sang 2016, may dismissal order — NAPOLCOM 6

ILOILO CITY—Ginkumpirmar ni National Police Commission (NAPOLCOM) 6 Director Atty. Joseph Celis nga may dismissal order batok kay Police Major Rio Maymay.

Anay hepe sang City Proper Police Station si Maymay nga lakip sa mga pulis sa Western Visayas nga ginlawag ni Presidente Rodrigo Duterte sang 2016 nga ginpahayag may kaangtanan sa illegal nga druga.

Suno kay Celis, mga una nga semana sang Abril 2021, nila nabaton ang dismissal order kay Maymay halin sa NAPOLCOM en banc. May kaangtanan suno kay Celis ang kaso sa gin-alegar nga drug involvement niya.

Yara sa Antique subong ang assignment ni Maymay.

Wala pa sang ideya si Celis kun naserbe na sang Police Regional Office 6 ang dismissal order.

Ginatinguhaan sang Aksyon Radyo Iloilo nga makuhaan sang pahayag ang PRO6 kag si Maymay. — via Aksyhon Hotline