Transaksyon sa LTO 6, balik na sa normal sa Lunes, Abril 19

Iloilo City — Balik sa normal ang transaksyon sa regional office sang LTO 6 sa Jaro sa Lunes, Abril 19.

Ini matapos nagnegatibo ang RT-PCR test result sang mga personnel nga close contact sang apat ka personnel nga nagpositibo sa COVID-19.

Suno kay LTO 6 Assistant Regional Director Atty. Gaudioso Geduspan, naka-quarantine gihapon ang apat ka personnel.

Una na nga gin-lockdown ang regional office bangud nagpositibo sa COVID-19 ang apat ka frontline personnel sang nagligad nga semana. — via Aksyon Night Patrol