Former punong barangay sang Cag-an, Anilao, arestado matapos ginparahan ang patrol car sang pulis samtang nagabitbit sang pusil

ANILAO, ILOILO — Arestado ang former barangay kapitan sang Cag-an matapos ginparahan ang patrol car sang police samtang nagabitbit sang pusil sang weekend.

Ginkilala ang nadakpan kay Ramie Apurillo, 51 anyos nga nakuhaan sang .45 caliber pistol nga may magazine kag anum ka mga bala pero expired na ang lisensya.

Suno kay Lt. Glen Fortunes, hepe sang Anilao Police Station, naglibot sa kabarangayan sa Anilao ang mga police sakay sa patrol car sang Domingo sang gab-i.

Wala naga-andar ang blinker sang patrol sang nagsulod sa barangay Cag-an. Sang nakit-an sang anay kapitan, ginparahan niya ini samtang nagabitbit sang pusil sa pagdumdom nga depasahero ukon private ini nga salakyan. Nakibot siya sang nakit-an nga patrol car gali sang pulis ang iya nga ginparahan.

Ginpahayag man ni Lt. Fortunes nga nakainom si Apurillo sang gindakop sang pulis. Napasakaan na sang kaso nga illegal possession of firearms ang anay kapitan. — via AM Reports/Aksyon Kikik Enar