ArchivesLokalPulisUncategorized

Integrated Patrol Deployment Plan sang ICPO, gin-realign kasunod sang shooting incidents sa siyudad

ILOILO CITY – Ginpabaskog pa sang Iloilo City Police Office (ICPO) ang pagbantay sa oras sang kagab-ihon agud nga matapna na ang sunud-sunod nga krimen sa siyudad.

Gin-realign ang Integrated Patrol Deployment Plan suno kay ICPO Director Col. Uldarico Garbanzos kasubong sang checkpoint operations, beat patrol deployment, kag paggamit sang motorcycle patrol.

Naghingyo man sang bulig ang police sang force multipliers sa kabarangayan.

Gin-ako ni Garbanzos nga mahuyang ang security measures sa tiun sang kagab-ihon nga nagresulta sa pila ka mga shooting incidents sa siyudad nga gab-i man natabo.

Pila sa mga insidente sang pagpamatay nga gab-i nagkalatabo ang pagtiro sa bata ni Leganes SB Member Larry Labuson nga si Carl Dominic Labuson sa Metropolis sa Jaro sang Abril 3 kag ang pinakaulihi amo ang pagtiro sang riding-in-tandem sa Sanitation Officer sang Iloilo Fishing Port Complex nga si Glen Peremne sa San Juan, Molo sang Abril 23. — via PM Reports

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply