Traffic aide, nagreklamo nga nagatrabaho sang 26 ka adlaw apang gina-swelduhan lang sang 20 ka adlaw

ILOILO CITY — Nagatrabaho sang 26 ka adlaw ang mga traffic aides apang ginaswelduhan lang sila sang 20 adlaw.

Suno sa isa sa mga traffic aides, nagatrabaho sila bisan Sabado kag Domingo apang 20 lang ka adlaw ang gina-record sa ila opisina.

Ginpahayag man sang traffic aide nga wala man sila sang hazard pay bisan nga makabig man sila nga frontliner.

Nagalain ang buot sang mga traffic aides suno sa iya bangud indi sila maka-avail sang hazard pay kag daw tawo-tawo lang ang tulok sa ila sa dalan.

Dugang pa niya, ang iban nga mga traffic aides ang nag-retire lang apang wala gid naka-avail sang anuman nga benepisyo. — via Aksyon Jeremae Ventar