Driver sang motorsiklo, patay sa aksidente sa Jaro

ILOILO CITY – Patay ang 27-anyos nga lalaki sang nakabunggo ang iya ginamaneho nga motorsiklo sa L300 van sa Brgy. Balabago, Jaro kagab-i, Mayo 2.

Suno kay PEMS Rechie Doqueto, gindala sa WVSU Medical Center si Joseph Santillan sang Dungon C, Mandurriao nga may pilas sa ulo kag tiil apang napatay.

Makita sa CCTV footage nga madasig ang pagpadalagan sang biktima sang motorsiklo.

Una nga nakasaga-id ang motorsiklo ni Santillan sa isa pa ka motorsiklo matapos siya nga nag-overtake kag nakabunggo sa nasugata nga van.

Gin-custody sang Jaro police ang driver sang L300 van nga si Joel Deroa, 40-anyos. – via Jorge Cabrera