12 menor-de-edad, na-rescue bangud sa paglapas sa Curfew for Minors ordinance

Iloilo City — 12 ka mga menor-de-edad ang na-rescue kagab-i sang Task Force on Moral and Values Formation sa padayon nila nga pagpatuman sang Curfew for Minors Ordinance.

Base ini sa data sang task force as of 11:50 kagab-i. Sa nasambit nga numero pito ang na-rescue sa City Proper samtang lima naman sa Arevalo.

Siyam diri ang mga lalaki kag tatlo naman ang mga babaye.Upod sang task force sa paglibot sa siyudad ang Iloilo City Police Office – Women and Children Protection Desk kag ang iban pa nga mga force multiplier.

Naga-epekto ang curfew para sa mga menor-de-edad umpisa las-8 sa kagab-i, tubtob las-4 sa kaagahon. — via TFMVF/Nestor Canong