368 new cases sang COVID-19, na-record sang DOH 6 sang Mayo 5

ILOILO CITY – 368 ka new cases sang COVID-19 ang nadugang sa Western Visayas kahapon, Mayo 5.

Base sa Case Bulletin No. 404 sang Department of Health (DOH) 6, nagpanguna ang Negros Occidental nga may pinakamadamo nga new cases nga naglab-ut sa 141.Nagasunod ang Bacolod City nga may 118; Aklan –27; Iloilo Province -23; Capiz – 21; Antique – 20; Iloilo City nga may 13 kag Guimaras nga may lima.

Gin-report man sang DOH 6 ang 68 ka new recoveries kag anum ka nadugang sa mga napatay.

Sa kabug-usan, may 37,246 ang COVID-19 cases sa Region 6 sa diin 5,475 ang active cases, 30,839 ang new recoveries kag 926 ang nagkalamatay. – via DOH 6