ArchivesLokalPulisUncategorized

24-anyos nga lalaki, patay sang natiphagan sang ginakutkot nga duta sa sa Lemery, Iloilo

Iloilo —

Patay ang 24-anyos nga lalaki sang natiphagan sang ginakutkot nga duta sa Barangay Nagsulang, Lemery, Iloilo kaina sang aga, Mayo 7.

Ginkilala ni Police Staff Sergeant Dandy Gallego, imbestigador sang Lemery Police Station ang napatay kay Daniel Biana sang Carmelo, Banate. Suno kay Gallego, nagakutkot sang duta si Biana upod sa iya amay kag isa pa ka lalaki sang natiphagan sila. Ginabanta 15 ka tapak ang kadalumon sang ginkutkot nga duta.

Si Daniel gid, suno kay Gallego, ang natampukan sang madamo nga duta samtang nakahingagaw naman halin ang iya amay kag isa pa ka kaupod. Kapin 30 minutos pa ang nakaligad antes nakuha si Biana kag ginhingagaw dala sa ospital pero gindeklarar nga dead-on-arrival.

“Para sa water district,” suno kay Gallego ang ginakutkot nga duta sa diin foreman ang amay ni Biana.

Manugtapos na kuntani sang ila trabaho ang tatlo sang nagluntad ang insidente, dugang ni Gallego.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply