ArchivesKalusuganLokal

17 ka bag-o nga kaso sang COVID-19, na-record sa Brgy. Nabitasan, La Paz

ILOILO CITY – Naka-record sang 17 ka bag-o nga kaso sang COVID-19 sa Barangay Nabitsan, La Paz.

Ginkumpirmar ini ni Punong Barangay Barbara Joy Arroza.

Base sa data sang City Epidemiological and Surveillance Unit, trabahador sang nagapanghimo sang siomai ang mga nagpositibo.

Naka-lockdown na suno kay Arroza ang compound sa diin nagatinir ang mga nagpositibo.

Suno kay Arroza, may nauna nga apat ka nagpositibo gani naghimo sang contact tracing sa 30 ka mga trabahador kag sa ginhimo nga RT-PCR testing, 17 sa ila ang positibo sa COVID-19. Nagahimo sang dugang nga contact tracing, suno sa punong barangay.

May 21 subong ka active cases sang COVID-19 ang Brgy. Nabitasan, suno pa kay Arroza. – via Dave Bucayan/Jeremae Ventar