ArchivesLokalPulisUncategorized

Hepe sang EB Magalona Police Station sa Negros Occidental, gin-relieve matapos naabtan sang NAPOLCOM 6 Director nga nagakatulog ang mga on-duty police

NEGROS OCCIDENTAL — Gin-relieve na si Police Lieutenant John Paul Tabuara bilang hepe sang EB Magalona Municipal Police Station epektibo Mayo 15.

Ini ang ginkumpirmar ni Police Lieutenant Abegail Donasco, spokesperson sang Negros Occidental Provincial Police Office (NOPPO) kasunod nga naabtan ni NAPOLCOM 6 Director Atty. Joseph Celiz nga nagakatulog ang mga on-duty police sang nag-conduct siya sang spot inspection sang Biyernes, Mayo 14 mga las-11:00 sang gab-i.

Ginbuslan ni Police Captain Eric Doronilla si Tabuara bilang hepe sang EB Magalona MPS.

Nag-issue naman sang memorandum ang NOPPO director sa apat ka mga police on-duty nga naabtan ni Celiz nga nagakatulog.

Naga-depende sa mangin explanation sang mga police apang possible nga magapangatubang sila sang administrative case nga simple neglect of duty, suno pa kay Donasco.

Makabig nga isolated nga kaso ang natabo sa EB Magalona MPS apang magaserbi ini nga leksyon sa mga police sang NOPPO nga dapat alerto kag indi magtulog sa tiun sang ila trabaho.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply