‘Proud gid kami’ — Pakaisa ni MUP 2020 Rabiya Mateo sang nakasulod sa Top 21 ang Ilongga beauty queen sa 69th Miss Universe

BALASAN, Iloilo – “Wala kami na-disappoint kay nagbigay-todo man siya [sa Miss Universe].”

Ini ang pahayag ni Ms. Jasmine Mateo sang Balasan, Iloilo, pakaisa ni Miss Universe Philippines Rabiya Mateo, sa pihak nga napaslawan ang Ilongga beauty queen nga makuha ang ikalima nga korona sang Pilipinas sa bag-o lang natapos nga 69th Miss Universe.

Suno kay Jasmine, bugal gid nila nga nakatapak sa Miss Universe stage si Rabiya kag nakasulod sa Top 21.

Bonus lang suno sa iya kun nakuha sang iya pakaisa ang korona. Gin-ako niya nga tuman ang ila kakulba antes nga nalawagan si Rabiya nga nadala sa Top 21.

Antes pa man ang Miss Universe pageant, nagpadala na sang mensahe sa Rabiya sa iya pamilya nga, “’She’ll make us proud.’ Kita tanan [nga mga Filipinos]. Para sa amon nga magpamilya, win or lose – siya man gihapon ang Queen Rabiya ah. Wala kami na-disappoint sa iya nga performance,” dugang ni Jasmine. “Sa tanan nga amon nga pamilya kag sa mga nagsuporta kay ate [Rabiya] sa tanan nga nga nag-pray – grateful [kag] thankful gid sa tanan-tanan [bangud] ginsuportahan gid si ate asta sa huli.”