3 sa 5 ka testigo sa pagpatay kay Glen Peremne, head sang Health and Sanitation Officers sa IFPC, nakapasa na sang ila affidavit; Duha sa ila, nagapang-alang alang pa suno sa pulis

Iloilo City — Tatlo sa lima ka testigo nga nakapasa na sang ila affidavit may kaangtanan sa pagpatay sang riding-in-tandem kay Mr. Glen Peremne, head sang Health and Sanitation officers sa Iloilo Fish Port Complex sang Abril 23.

Suno kay PLTCOL Reuben Siason, Deputy Director for Operations sa Iloilo City Police Office, duha naman sa lima ang naga-nagapang-alang-alang pa sa paghatag sang ila affidavit bangud nakulbaan nga basi balikan sila.

Ginpabutyag ni Siason nga may nagaguwa nga mga pangalan may kaangtanan sa pagpatay kay Mr. Peremne pero subject pa gihapon sa matul-id nga imbestigasyon.

Una diri, nagtukod ang ICPO sang team nga nagatuktok sa imbestigasyon sa diin ginatutukan nila ang anggulo nga work-related.

Wala man nagadali ang team sa pag-file sang kaso batuk sa mga posible suspect bangud ginasigurado nila suno kay Siason nga insakto nga tawo ang pasakaan nila sang kaso. l via Aksyon El John Mejia